தலைவர் கமல்ஹாசன் அவர்கள் 15.08.2023 அன்று வெளியான இந்து நாளிதழில் எழுதிய கட்டுரையின் தமிழாக்கம்.
மத, இன, மொழி மற்றும் கலாச்சார பன்முகத்தன்மை கொண்ட நமது தேசம், அதன் நவீன மறுபிறப்பை இன்று கொண்டாடுகிறது. இந்தப் பயணம் அன்பும் வெறுப்பும், வலியும் மகிழ்ச்சியும், உயர்வு தாழ்வும் நிறைந்தது. இவை அனைத்தையும் முறியடித்து நாம் ஏற்ற தாழ்வு இல்லாத ஒரு உலகத்தை நோக்கி முன்னேறுகிறோம். நம் முயற்சி தொடர்கிறது.
1947ல் கிடைத்த சுதந்திரம், இந்தியா ஜனநாயக நாடாக ஒரு சிறிய வாய்ப்பை மட்டுமே அளித்தது.
இந்தியா உயரும் ? இவ்வளவு பன்முகத்தன்மை கொண்ட நாடு எப்படி ஒருங்கிணைக்கப்படும் ?
ஒரு பெரும் படிப்பறிவற்ற மக்கள் ஜனநாயகமாக எவ்வாறு செயல்படுவார்கள் ?
அப்போது மேற்கத்திய நாடுகள் உணரத் தவறியது பல்லாயிரம் ஆண்டுகளுக்கு முந்தைய கலாச்சார வரலாற்றைக் கொண்ட இந்தியா ஒரு நாகரிகத்தின் மறுமலர்ச்சி. 21 ஆம் நூற்றாண்டில், மேற்கத்திய நாகரிகங்கள் வீழ்ச்சியடையும் போது, ஒரு சகாப்தம் மறைந்து, அதன் இடத்தில் சங்கிலிகளிலிருந்து விடுபட்டது புதிய இந்தியா.
நவீன இந்தியாவின் பயணம் அதன் ஏற்ற இறக்கங்கள் இல்லாமல் இல்லை. மேற்கத்திய நாடுகள் அதை பலவீனமாக கருதியது, ஆனால் அதை தகர்த்தெறிந்து நமது பன்முகத்தன்மை, இந்தியாவின் மிகப்பெரிய பலமாக நிரூபிக்கப்பட்டுள்ளது.
தென்னிந்தியா மற்றும் மேற்கு இந்தியா நாட்டின் உற்பத்தி மையங்களாகவும், கிழக்கு இந்தியா மனித வள களஞ்சியமாகவும், வடக்கு கருவூலமாகவும் மாறியது.
நமது குடியரசின் தந்தைகள் நமது பன்முகத்தன்மையின் சக்தியைப் பயன்படுத்தும் ஒரு அரசியலமைப்பு திட்டத்தை நிறுவுவதற்கான தொலைநோக்கு பார்வையைக் கொண்டிருந்தனர்.
ஆகையால் தான்
மதச்சார்பின்மை, கூட்டாட்சி, மனித உரிமை, பேச்சு மற்றும் மத சுதந்திரம், பிராந்தியமொழி, மற்றும் மதம் சம்பந்தப்பட்ட விஷயங்களுக்கு இடமளிக்கும் வகையில் சட்டம் உருவாக்கினார்கள் .
இந்த அரசியலமைப்புச் சட்டத்தின் விளைவாக, இந்தியா பச்சை மற்றும் வெள்ளை புரட்சிகளை உருவாக்கியது.
மங்கள்யான் போன்ற வான்வெளி திட்டங்கள் பல கண்டது.
தார்மீக காரணங்களுக்காக நாம் பல போர்கள் செய்தோம்.
இவை அனைத்தும் கடந்து நமது அரசியலமைப்புச் சட்டம் தொடர்ந்து நிலைத்து நிற்கிறது.
இந்தப் பயணத்தில் இந்தியா பல தடைகளை சந்தித்துள்ளது .
வகுப்புவாத பெரும்பான்மை அதன் அசிங்கமான தலையை மீண்டும் மீண்டும் உயர்த்தியுள்ளது.
சாதி மத ரீதியான ஏற்ற தாழ்வுகளுக்கு நாம் தொடர்ந்து இரையாகி வருகிறோம் .
சுதந்திரத்திற்குப் பிறகு அரசியல், சமூக மற்றும் பொருளாதார சுதந்திரத்தை அடைவதில் பெரும் முன்னேற்றம் ஏற்பட்டுள்ள நிலையில், உண்மையான சமூக மற்றும் பொருளாதார சமத்துவம் நம்மை விட்டு விலகுகிறது.
தீவிர வறுமை மற்றும் சிறுபான்மையினரின் சமூக ஓரங்கட்டுதல் ஆகியவை தொடர்கின்றன.
பாலின சமத்துவ சமூகம் இல்லாத நிலையில் இந்தியாவின் திறன் கேள்விக்குறியாகிறது.
இந்தியாவின் வடகிழக்கு நமது இதயம் மற்றும் மனதிலிருந்து வெகு தொலைவில் உள்ளது.
இந்தியாவின் ஜனநாயகம் என்பது வேற்றுமையில் ஒற்றுமை, அது இந்திய அடையாளத்தை ஒரே மாதிரியாக மாற்றும் முயற்சிகளிடமிருந்து காக்கப்பட வேண்டும்.
இந்தச் சவால்களைச் சமாளிப்பதற்கான என் மக்களின் திறனின் மீதான எனது நம்பிக்கை உறுதியாக உள்ளது,
ஏனென்றால் நாம் நீதியின் வாயிலாக, ஆன்மீகம் மற்றும் அமைதியை விரும்பும் மக்கள்.
நாம் புத்தர், அசோகர், அம்பேத்கர் மற்றும் காந்தி, திருவள்ளுவர் மற்றும் பெரியார் ஆகியோரின் குழந்தைகள்.
ஜனநாயகம் மற்றும் சுதந்திரத்திற்கு நிலையான விழிப்புணர்வு தேவை.
அரச அதிகாரம் கொடுங்கோலனாக மாறினால், ஒவ்வொரு இந்தியனும் எழுச்சி பெறும் தைரியத்தையும் விருப்பத்தையும் கொண்டிருக்க வேண்டும்.
நமது அகிம்சை சுதந்திர போராட்டம், மக்களிடையே உள்ள உள்ளார்ந்த சக்தியைக் கட்டவிழ்த்துவிட்டு இனவாத காலனித்துவ சாம்ராஜ்யத்தை வீழ்த்தியது.
இந்திய அரசியல் எப்போதும் சமத்துவம், நீதி மற்றும் நியாயம் சார்ந்தது.
சுதந்திரத்தை அடைவதற்கு தியாகம் செய்த நம் முன்னோர்களுக்கு நாம் எப்போதும் கடமைப்பட்டுள்ளோம்.
இன்று தொழில்நுட்ப முன்னேற்றங்கள் மற்றும் மதிநுட்பத்தைக் கொண்டு காந்தியடிகள் கனவு கண்ட கிராம சுயராஜ்ஜியத்தை நாம் இறுதியாக நிறைவேற்ற முடியும்.
ஒவ்வொரு கிராமமும் தன்னிறைவு பெறும் நாளை கற்பனை செய்து பாருங்கள்.
அரசு நிறுவனங்கள் மற்றும் நமது உள்கட்டமைப்பு ஆகியவை நமது திறனை கட்டவிழ்த்துவிடும் திறன் கொண்டவை.
இந்திய கலாச்சாரம் உலகத்தில் ஆதிக்கம் செலுத்துகிறது.
வறுமையிலும், பசியுடன் தூங்காத இந்தியாவை நான் கனவு காண்கிறேன்.
நாளந்தா போன்ற பல்கலைக்கழகங்கள் மீண்டும் உலகின் அறிவுசார் மையங்களாக இருக்கும் இந்தியாவை நான் கனவு காண்கிறேன்.
கலாச்சார, ஆன்மிகம் மற்றும் பொருளாதாரத் திறமையால் கரையை அடையும் ஒரு இந்தியாவை நான் கனவு காண்கிறேன்.
வாருங்கள் சகோதர சகோதரிகளே, இந்த கனவை நனவாக்குவோம்.
இந்த மண்ணுக்கும் என் நாட்டு மக்களுக்கும் தலை வணங்குகிறேன்.
சக இந்தியன் – உங்கள் நான்..
–கமல் ஹாசன்
நன்றி. The Hindu
.
India, a marvel that continues to endure – The Hindu
