மய்யத்தின் பாஜக எதிர்ப்பு

மக்கள் நீதி மய்யம் கட்சியை பாஜகவின் B-Team என்று தொடர்ச்சியாக திமுக குற்றம் சாட்டுகிறது. மக்கள் நீதி மய்யமம் தலைவர் கமல் ஹாசன் அவர்களும் பாஜக ஆட்சியின் செயல்பாடுகளையும் பாஜகவின் மற்றும் RSS சித்தாந்தத்தையும் எதிர்த்து பல முறை குரல் கொடுத்ததுண்டு. அதன் தொகுப்பு இங்கு உங்கள் பார்வைக்கு. 

• கமல்ஹாசன் அவர்கள் சமூகச் சொத்து – கி.வீரமணி புகழாரம்11/02/2026

  பிப்ரவரி 07, 2026

  கடந்த நான்காம் தேதியன்று பாராளுமன்ற ராஜ்ய சபையில் நடைபெற்ற நிகழ்வின் போது மக்கள் நீதி மய்யம் தலைவரும் ராஜ்ய ரபா உறுப்பினருமான திரு.கமல்ஹாசன் அவர்கள் மிக முக்கியமான தகவல் ஒன்றை முன்வைத்தார். அப்போதிருந்து அடுத்தடுத்த நாட்களில் நாடெங்கிலும் விவாதப்பொருளாக மாறியிருக்கிறது என்பது குறிப்பிடத்தக்கது.

  கடந்த ஆண்டில் நடைபெற்ற விவாதத்தின்போது நிதியமைச்சர் திருமதி.நிர்மலா சீதாராமன் அவர்கள் தமிழ் குறித்த தகவல் ஒன்றை தமிழ் கற்றுக் கொண்டால் அதை வைத்து பிச்சை கூட எடுக்க முடியாது என விடுதலை நாளேட்டில் 1943 இல் தந்தை பெரியார் அவர்கள் எழுதியதாக போகிறபோக்கில் பேசிவிட்டு சென்று விட்டார். அப்போது பல்வேறு விவாதங்கள் நடைபெற்ற போதிலும் காலப்போக்கில் மறந்து விட்டனர்.

  மக்கள் நீதி மய்யம் தலைவர் திரு.கமல்ஹாசன் அவர்கள் கடந்த ஆண்டு மே மாதம் ராஜ்ய சபா உறுப்பினராக உயிரே உறவே தமிழே என்று துவங்கி கமல்ஹாசன் ஆகிய நான் என கர்ஜிக்கும் குரலில் தூய தமிழில் பதவியேற்றார். அதன் பிறகு கேள்வி நேரத்தில் எத்தனால் உள்ள எரிபொருள் நிரப்புவதும் அதனால் பயணிக்கும் தூரமும் என்ஜின்களில் ஏற்படும் மாற்றங்கள் குறித்த மிக முக்கிய கருத்தை முன் வைத்த போதும் அது நாடெங்கிலும் பெரும் விவாதத்திற்குள்ளானது குறிப்பிடத்தக்கது.

  கடந்த நான்காம் தேதியன்று பிரதமர் மற்றும் நிதியமைச்சர் சபைக்கு வரவில்லை எனினும் தனக்கு அளிக்கப்பட்ட நேரத்தில் நிர்மலா சீதாராமன் தமிழ் குறித்து தரக்குறைவாக பேசியதை எடுத்துரைத்து பல்வேறு உதாரணங்களை அடுக்கடுக்காக எடுத்துரைத்து இறுதியாக தமிழை வைத்து தமிழன் எங்கும் பிச்சை எடுக்க மாட்டான் இன்னும் சொல்லப்போனால் உங்களிடம் எந்த தமிழனும் பிச்சையே எடுக்க மாட்டான் என முத்தாய்ப்பாக சொல்லவே நாடு முழுவதும் பெரும் தமிழ் தீ பரவியது. தமிழகம் முழுவதிலும் கமல்ஹாசன் அவர்களின் கருத்திற்கு பெரும் ஆரவாரத்துடன் பகிர்ந்து கொண்டார்கள். இது போன்ற துணிச்சல் மிக்க கருத்தை எந்த தயக்கமுமின்றி எடுத்துரைக்க நம்மவருக்கு நிகர் நம்மவர் மட்டுமே.

  திரு.கமல்ஹாசன் அவர்களின் கருத்தினை ஆமோதித்து திராவிடர் கழகத்தின் பொதுசெயலாளர் திரு.கி.வீரமணி அவர்கள், தந்தை பெரியார் பற்றி நிதியமைச்சர் பேசியதற்கு கண்டனமும் விடுதலை நாளேட்டில் பிப்ரவரி 7 ஆம் தேதியன்று வெளியாகியுள்ளது குறிப்பிடத்தக்கது.

  https://twitter.com/maiamofficial/status/2020144704353104124?s=20

  நன்றி : மக்கள் நீதி மய்யம் & விடுதலை நாளேடு

• ஒன்றே குலம் – ஒருவனே தேவன் : அறிஞர் அண்ணா நினைவு கூரும் மய்யத்தலைவர் கமல்ஹாசன்04/02/2026

  பிப்ரவரி : 03, 2026

  தென்னகத்து காந்தி என்று அழைக்கப்பட்டவர் பேரறிஞர் அண்ணா துரை அவர்கள். திராவிட கோட்பாடுகளை மக்களிடையே முன்னெடுத்துச் சென்று சேர்த்த மிக முக்கிய மூத்த அரசியல் தலைவர். அரசியலில் ஈடுபட்டது முதல் இறுதிவரை அப்பழுக்கற்ற ஓர் அரசியல் களத்தில் வீறு நடை போட்டவர்.

  தனது இளம் வயதில் நீதிக் கட்சியில் இணைந்து செயலாற்றி வந்த அண்ணா அவர்கள் தந்தை பெரியாரின் கொள்கைகளால் ஈர்க்கப்பட்டு அவரை தனது தலைவராக ஏற்றுக் கொண்டவர் இந்தி மொழி திணிப்பை ராஜாஜி ஆட்சிக்காலத்தில் அமல்படுத்த முயன்றபோது பெரியாருடன் இணைந்து தமிழகமெங்கும் சுற்றுப்பயணம் மேற்கொண்டு மக்களுக்கு பெரும் விழிப்புணர்வை ஏற்படுத்தியதில் அண்ணாவிற்கு பெரும் பங்குண்டு. தமிழகத்தில் வேற்று மொழிகளின் ஆதிக்கம் காலூன்றி விடக்கூடாது என்று மிக உறுதியாக இருந்தார்.

  வாக்கரசியலில் ஈடுபாடு கொண்டமையால் திராவிடர் கழகத்தில் இருந்து பிரிந்து தமது சக தோழர்களுடன் இணைந்து திராவிடர் முன்னேற்ற கழகம் எனும் கட்சியை தோற்றுவித்து படிப்படியாக அரசியலை மக்களிடையே கொண்டு சேர்த்து 1967 இல் அறுதிப் பெரும்பான்மையுடன் ஆட்சியை பிடித்தார். முதல் தீர்மானமாக சென்னை மாகாணம் என்ற பெயரை தமிழ்நாடு என்று மாற்றம் செய்து அரசாணையை வெளியிட்டு மாபெரும் மாற்றத்தை ஏற்படுத்தினார். மிகச்சிறந்த பேச்சாளரும், இதழாளரும் ஆன அண்ணா அவர்கள் இருமொழிக் கொள்கை, சுயமரியாதை திருமணங்கள், கலப்புத் திருமணங்கள் என பல்வேறு திட்டங்களை செயல்படுத்தி ஆட்சி செய்து வந்த அண்ணா நோய்வாய்ப்பட்டு அயல்நாட்டிற்கு சென்று சிகிச்சைகள் மேற்கொண்டும் சிகிச்சைகள் பலனளிக்காமல் 1969 இயற்கை எய்தினார்.

  தமிழகத்தை ஆட்சி செய்த முதல்வர்களில் வரலாற்றில் சிறந்த பெயரெடுத்தவர் பேரறிஞர் அண்ணா அவர்கள்.

  https://twitter.com/maiamofficial/status/2018583651597066521?s=20

  "கூட்டாட்சித் தத்துவத்தை நிலைநிறுத்தி, ‘ஒன்றே குலம் ஒருவனே தேவன்’ என்றுரைத்த அறிஞர் அண்ணாவின் நினைவு நாளில், அவரை போற்றிய மக்கள் நீதி மய்யம் தலைவரும், மாநிலங்களவை உறுப்பினருமான திரு. கமல் ஹாசன் அவர்கள்" - மக்கள் நீதி மய்யம்

  

  https://twitter.com/Maiatamizhargal/status/2019448366413848739?s=20

  ‘ஒன்றே குலம் ஒருவனே தேவன்’ என்றார். ‘மாநிலக் கட்சி தனிப்பெரும்பான்மையுடன் ஆட்சிக்கு வரும்’ என்று சொல்லி அதை நடத்திக் காட்டினார். ‘மத்தியில் கூட்டாட்சி, மாநிலத்தில் சுயாட்சி’ என்கிற முழக்கத்தால் இந்தியக் கூட்டாட்சித் தத்துவத்தை நிலைநிறுத்தினார். இப்பெரும் செயல்களைச் சாதித்த அறிஞர் அண்ணாவின் நினைவு நாள் இன்று. அவரைப் போற்றுவோம். - திரு.கமல்ஹாசன்

  நன்றி : மக்கள் நீதி மய்யம்