ஒற்றுமையின் பாதையில் நண்பர் ராகுல்காந்தி – கமல்ஹாசன் அவர்கள் பிறந்தநாள் வாழ்த்து

ஜூன் 19,2025

இண்டியா கூட்டணி தலைவரும், பாராளுமன்ற உறுப்பினரும், முன்னாள் இந்திய தேசிய காங்கிரஸ் கட்சியின் முன்னாள் தலைவருமான திரு.ராகுல்காந்தி அவர்கள் நம்பிக்கை தரும் தேசிய தலைவர்களில் மிக முக்கியமானவர்.

மக்கள் நீதி மய்யம் கட்சித் தலைவரான திரு.கமல்ஹாசன் அவர்களின் மனதிற்கினிய உற்ற நண்பரும் கூட. சில ஆண்டுகளுக்கு முன்னர் இந்தியாவின் எழுச்சி பாரத் ஜோடோ நடை பயணத்தின்போது நம்மவர் அவர்கள் புதுதில்லியில் திரு.ராகுல்காந்தி அவர்களுடன் இணைந்து நடை பயணம் மேற்கொண்டார். பயணத்தின் இறுதிக் கட்டத்தின் போது நடைபெற்ற பிரம்மாண்ட பொதுக்கூட்டத்தில் சிறப்பாக உரையாற்றினார்.

அப்போது நம்மவர் அவர்கள் பேசுவதை உன்னிப்பாக கவனித்த திரு.ராகுல்காந்தி அவர்கள் அடுத்த நாளில் நம்மவரை தனது இல்லத்திற்கு அழைத்து உபசரித்து நாட்டின் அரசியல், பொருளாதாரம், மக்கள் நலன், தொழில் வளர்ச்சி, எளிய மக்களின் வாழ்வாதாரம் மற்றும் அவர்களின் முன்னேற்றம், கல்வி வளர்ச்சி குறித்தும் நீண்ட நேரம் உரையாடினர். மிகுந்த நட்பு பாராட்டும் திரு.ராகுல்காந்தி அவர்களுக்கு இன்றைக்கு பிறந்தநாள்.

நம்மவர் அவர்கள் தமது உளமார்ந்த வாழ்த்துகளை தெரிவித்து டுவீட் செய்துள்ளது கவனிக்கத்தக்கது.

Wishing my friend Mr.Rahul Gandhi a very happy birthday. May you continue on the path of unity, compassion, and courage – with the same quiet resolve and steel that have defined you. – Kamal Haasan, President – Makkal Needhi Maiam

“Makkal Needhi Maiam President Kamal Haasan wishes Rahul Gandhi on his birthday”. – Makkal Needhi Maiam

தலைவர் வாழ்த்து தெரிவித்தமைக்கு நன்றி தெரிவித்துள்ளார் திரு.ராகுல்காந்தி அவர்கள். அதில், விரைவில் பாராளுமன்றத்தில் உறுதியாக ஒலிக்கவிருக்கும் உங்களின் குரலுக்காக காத்திருக்கிறேன் என்கிற தொனியில் குறிப்பிட்டுள்ளார்.

நன்றி : மக்கள் நீதி மய்யம்