பரமக்குடியில் ஓர் நம்மவர் படிப்பகம் – கமல் பண்பாட்டு மையம்

பரமக்குடி : ஜனவரி 26, 2025

வட அமெரிக்காவில் இயங்கி வரும் கமல்ஹாசன் நற்பணி இயக்கம் கடந்த ஆண்டில் மதுரை மாவட்டம் மலைச்சாமிபுரத்தில் முதலாவது நம்மவர் படிப்பகம் ஒன்றை கட்டுமானம் செய்து திறந்து வைத்தது. மக்கள் நீதி மய்யம் தலைவரான நம்மவர் திரு.கமல்ஹாசன் அவர்கள் படிப்பகத்தை பார்வையிட்டு அந்த ஊர் பொதுமக்களுடனும் குறிப்பாக பள்ளி மாணவ மாணவியர்களுடன் உரையாடினார். அத்தருணத்தில் கல்வியின் அவசியமும், கல்வியில் சிறந்து விளங்குவதும் குறித்து பேசினார். மேலும் எனது அபிமானிகள் ஒன்றிணைந்து இந்த நம்மவர் படிப்பகத்தை அமைத்துள்ளார்கள். இதனை நான் காணும்போது மிகவும் பெருமிதம் கொள்கிறேன் மட்டுமல்லாமல் கல்வியை, திறன் வளர்ச்சிக்கு தேவையான புத்தகங்களை தன்னகத்தே கொண்டுள்ள இந்த படிப்பகம் போன்றே நானும் ஓர் படிப்பகம் அமைத்துத் தர முடிவு செய்துள்ளேன். நற்பணி இயக்கம் கட்டும் ஒவ்வொரு படிப்பகத்திற்கு இணையாக நானும் அதாவது எனது தலைமையில் இயங்கும் கமல் பண்பாடு மையம் சார்பாக ஓர் நம்மவர் படிப்பகம் அமைத்துத் தருவேன். இப்படி கல்விக்கென இயங்குவதை ஆரோக்கியமான போட்டியாக கருதுகிறேன் என்று வாக்குறுதி அளித்தார். அதை இப்போது பரமக்குடியில் உள்ள வேந்தோணி கிராமத்தில் நம்மவர் படிப்பகத்தை அமைத்து சொன்னதை நிறைவேற்றியுள்ளார்.

அதற்கான திறப்புவிழா குடியரசு தினமான இன்று அதாவது ஜனவரி 26 காலை 10 மணியளவில் மக்கள் நீதி மய்யம் கட்சியின் பொதுச்செயலாளர் திரு. ஆ.அருணாச்சலம், துணைத்தலைவர்கள் திரு.மௌரியா, திரு.கோவை தங்கவேலு, மாநில செயலாளர்கள் திரு. செந்தில் ஆறுமுகம், திரு.முரளி அப்பாஸ், திரு.மூகாம்பிகை ரத்னம், திரு.மயில்சாமி, திரு.ராகேஷ் ராஜசேகரன் மற்றும் நிர்வாகிகள் உள்ளிட்டோர் கலந்து கொண்டனர். மேலும் கமல்ஹாசன் நற்பணி இயக்கம் வட அமெரிக்கா சார்பாக நிர்வாகக்குழு பிரதிநிதியான திரு.செல்வா ராமசாமி அமெரிக்காவில் இருந்து வந்திருந்து திறப்புவிழாவில் கலந்துகொண்டார். திறப்புவிழாவின் போது வேந்தோணி கிராம மக்கள் அனைவரும் பெருந்திரளாக கலந்து கொண்டு சிறப்பித்தனர்.

நிகழ்வின் நேரலை மய்யம் யூடியுப் சேனல் சமூக ஊடகத்தில் ஒளிபரப்பு செய்யப்பட்டது.

கமல் பண்பாட்டு மையம், கமல்ஹாசன் நற்பணி இயக்கம் N.A, மற்றும் மக்கள் நீதி மய்யம் ஆகியோர் இணைந்து திறப்புவிழாவினை சிறப்பித்தார்கள். கல்விக்கு உதவிடும் நம்மவர் படிப்பகத்தை உருவாக்கித் தந்த அனைவருக்கும் மய்யத்தமிழர்கள்.com உளமார்ந்த நன்றியும் வாழ்த்துகளை தெரிவித்துக் கொள்கிறது.

நன்றி : மக்கள் நீதி மய்யம், கமல்ஹாசன் நற்பணி இயக்கம் வட அமெரிக்கா

https://twitter.com/MouryaMNM/status/1883489395132739677

https://twitter.com/KHWelfareNA/status/1883494679825805643

தலைவர் திரு.கமல்ஹாசன் அவர்கள் செயற்கை நுண்ணறிவு தொழில்நுட்பம் கற்பதற்கு அமெரிக்காவில் தங்கியுள்ளார். சிகாகோவில் இருந்து நம்மவர் படிப்பகம் திறப்புவிழாவை முன்னிட்டு தமது வாழ்த்தையும், பாராட்டுகளையும் தெரிவித்துள்ளார்.

https://twitter.com/maiamofficial/status/1883489817553764648

https://twitter.com/Maiatamizhargal/status/1883418027636490666

https://twitter.com/Maiatamizhargal/status/1883535550969192661

#கமல்ஹாசன் #நம்மவர்படிப்பகம் #NammavarPadippagam