அருப்புக்கோட்டை : ஜனவரி 26, 2025
அருப்புக்கோட்டை கல்லூரணி கிராமத்தில் மூன்றாவது நம்மவர் படிப்பகம் கட்டுமானம் நிறைவுற்று குடியரசு தினமான இன்று திறந்து வைக்கப்பட்டு மக்களின் பயன்பாட்டிற்கு இலவசமாக வழங்கப்பட்டுள்ளது குறிப்பிடத்தக்கது.
எந்த அரசியல் தலைவருக்கும் இல்லாத சிறப்பு நம்மவர் திரு.கமல்ஹாசன் அவர்களுக்கு உண்டு எனலாம். ஏனெனில், சுமார் நாற்பது ஆண்டுகாலமாக தனது தலைமையில் இயங்கிவரும் கமல்ஹாசன் நற்பணி இயக்கத்தின் மூலமாக மக்களுக்கு நலத்திட்டங்கள் பலவற்றை செய்து வருகிறார்கள். இதில் இன்னுமொரு முக்கிய அம்சமாக வட அமெரிக்காவில் இயங்கிவரும் கமல்ஹாசன் நற்பணி இயக்கத்தின் மூலமாக முதன் முதலாக கடந்த 2024 ஆண்டில் “நம்மவர் படிப்பகம்” மதுரை மலைச்சாமிபுரத்தில் திறந்து வைத்தனர்.
பள்ளி கல்லூரி மாணவ மாணவியர் மற்றும் பொதுமக்கள் என எவரும் அங்கே இலவசமாக புத்தகங்களை படித்து பயன்பெறலாம். மேலும் அரசு பணியாளர் தேர்வுகள், பட்ட மேற்படிப்பு, தொழில்நுட்ப தேர்வுகள் மற்றும் திறன் மேம்பாட்டு பயிற்சி புத்தகங்கள் என பல வகையான பிரிவுகள் உள்ளதால் அப்பகுதி மக்களுக்கு மிகவும் பயனுள்ளதாக அமைந்தது. இன்னும் சிறப்பு என்னவெனில் கணினி மூலம் கல்வி கற்கும் வசதியும் ஏற்படுத்தி தந்துள்ளனர். திறப்புவிழா நடந்த பின்னர் அங்கே சென்று பேசிய போது இதே போன்ற நம்மவர் படிப்பகம் ஒன்றை கட்டித் தருவேன் என சொன்னார். அதே போல பரமக்குடியில் உள்ள வேந்தோணி கிராமத்தில் இரண்டாவது படிப்பகத்தினை தனது தலைமையில் இயங்கும் கமல் பண்பாட்டு மையம் மூலமாக கட்டி முடித்தார்.
முறையே வேந்தோணி (பரமக்குடி) மற்றும் கல்லூரணி (அருப்புக்கோட்டை) ஆகிய ஊர்களில் இன்று இரண்டு நம்மவர் படிப்பகங்களும் மக்களின் பயன்பாட்டிற்கு திறந்து வைக்கப்பட்டுள்ளது. தனது சொந்த அலுவலுக்காக அமெரிக்காவில் தங்கி இருக்கும் தலைவர் கமல்ஹாசன் அவர்கள் நம்மவர் படிப்பகம் திறந்து வைக்கப்பட்டது குறித்து அதனை பாராட்டி வாழ்த்துகள் தெரிவித்து கல்வியின் அவசியமும், திறன் மேம்பாடு குறித்த விழிப்பணர்வு குறித்தும் பேசி காணொளி ஒன்றை வெளியிட்டுள்ளார்.
நற்பணி என்பதே நல்ல அரசியலுக்கு வழி. நம்மவரும் அவருடைய அபிமானிகளும் என்றும் நல்லவைகளை செய்து வருவார்கள் என்பதற்கு இதைவிட சான்றாக வேறு எதை கூறிட முடியும்.
நம்மவர் படிப்பகங்களை நிறுவியுள்ள கமல் பண்பாட்டு மையம் மற்றும் வட அமெரிக்கா கமல்ஹாசன் நற்பணி இயக்கம் ஆகியோருக்கு செவ்வன செய்திடும் நற்பணிகளுக்கு உளமார்ந்த வாழ்த்துகளை தெரிவித்துக் கொள்கிறது மய்யத்தமிழர்கள்.com
https://twitter.com/KHWelfareNA/status/1883400150552621114
https://twitter.com/ToouringTalkies/status/1884096428471185645
https://twitter.com/maiamofficial/status/1883489817553764648
https://twitter.com/Maiatamizhargal/status/1883922794804854861
https://twitter.com/MouryaMNM/status/1883750294875705576
https://twitter.com/VinodhiniUnoffl/status/1883289796430430486
நன்றி : மக்கள் நீதி மய்யம், (வட அமெரிக்கா) கமல்ஹாசன் நற்பணி இயக்கம், கமல் பண்பாட்டு மையம் மற்றும் செய்தி சமூக ஊடகங்கள்