வாழ்த்துகளுக்கு நன்றி – மக்கள் நீதி மய்யம் தலைவர் திரு.கமல்ஹாசன்

நவம்பர் : 09, 2024

மக்கள் நீதி மய்யம் தலைவர் திரு.கமல்ஹாசன் அவர்களின் பிறந்தநாள் நவம்பர் ஏழாம் தேதியன்று கட்சித் தலைமையகத்தில் மற்றும் தமிழகம் முழுக்க சிறப்பாக நடைபெற்றது. மாவட்டங்கள் தோறும் நிர்வாகிகள் மற்றும் தொண்டர்கள் உட்பட பெருந்திரளாக கலந்து கொண்டு இரத்ததானம், உடலுறுப்பு தானம், அன்னதானம் உள்ளிட்ட நலத்திட்டங்கள் வழங்கி கொண்டாடினார்கள். தலைவர் திரு.கமல்ஹாசன் அவர்கள் அலுவல் காரணமாக தற்போது அயல்நாட்டில் இருந்து வருவதால் சென்னையில் நடைபெற்ற பிறந்தநாள் விழாவில் கலந்து கொள்ள இயலாமல் அங்கிருந்தே காணொளி தொடர்பு மூலமாக கொண்டாட்ட நிகழ்வுகளை கண்டு மகிழ்ந்து விழாவினை சிறப்பித்தமைக்கு நிர்வாகிகளுக்கு நன்றி தெரிவித்தார்.

மேலும் தனது பிறந்தநாளிற்கு வாழ்த்துகள் தெரிவித்த தமிழக முதல்வர், துணை முதல்வர், மற்றும் மாநில அரசின் அமைச்சர்கள், கட்சிப் பிரமுகர்கள், கட்சித் தலைவர்கள், திரையுலக பிரபலங்கள், அண்டை மாநில முதல்வர்கள், அண்டை மாநில அரசியல் கட்சித் தலைவர்கள், ரசிகர்கள், தொண்டர்கள், கட்சி நிர்வாகிகள் அனைவருக்கும் தமது நெஞ்சார்ந்த நன்றியை தெரிவித்துக் கொள்வதாக தனது ட்விட்டர் பக்கத்தில் நன்றி அறிவிப்பினை வெளியிட்டுள்ளார்.

“என் பிறந்த நாளுக்கு வாழ்த்துத் தெரிவித்த திரைத்துறையினர், அரசியல் தலைவர்கள், மக்கள் நீதி மய்யம் உறுப்பினர்கள், நற்பணி இயக்கத்தைச் சேர்ந்தவர்கள், ரசிகர்கள், நண்பர்கள், உறவினர்கள், ஊடகத்தினர் அனைவருக்கும் என் இதயத்தின் அடியாழத்திலிருந்து நன்றி பாராட்டுகிறேன். – திரு.கமல்ஹாசன், தலைவர் – மக்கள் நீதி மய்யம்

https://twitter.com/maiamofficial/status/1855136243686002690

https://twitter.com/Maiatamizhargal/status/1854259360223961240